Insider Tipps Stuttgart von MC Bruddaal

15 Insidertipps von MC Bruddaal

Rapper

Subber Rap uff Schwäbisch Schwabarap Nummer Ois, hey subbr genial! „Du hasch n Kessel, mir egal – trotzdem bisch mei erschte Wahl, Stuttgart!“ MC Bruddaal rappt unterhaltsame, gut gelaunte Texte auf schwäbisch. Sein bekanntester Song „Du bisch mei Number One“ ist eine Hip-Hop-Liebeserklärung an seine Heimatstadt Stuttgart. Er war zwar schon woanders „ … aber da hott mr oifachs Essa ned gschmeckt“. Passend zum Lied gibt es ein Video, in dem MC Bruddaal mit seinem Bonanzarad bekannte Plätze in Stuttgart unsicher macht, nebenbei sind auch die Baustellen des neuen Europaviertels zu sehen. Privat ist der 35-jährige schwedische Schwabe Kommunikationsdesigner, dessen zweite große Liebe neben Stuttgart die Musik ist.

15 Insidertipps von MC Bruddaal für Stuttgart

Fürsprecher:in aus Stuttgart

Meine Geheimtipps für Stuttgart

  • Beef Burger Brothers
    Oder au Triple B en Zuffahausa henterm Rathaus isch dr beschde Burgerlada, wos gibt. Die hen bruddaal frische ond saftige Burger. Wer’s amol richtig kracha lassa will, der kah sogar en Gold Burger essa mit 23 Karat, Jonger Vadder!
  • Blaustrümpflerweg
    Wenn i am Wochaend Zeit han onds Wetter passt, mach i gern a kloine Wanderung. Vom Mariaplatz nuff zur Karlshöhe, Seilbahn fahra nach Dägerloch ond dann wieder nonder mit dr Zacke! Die 8 km sen scho a bissle anstrengend!
  • Bärenseen und Bärenschlössle
    Em Sommer, wenns hoiß isch, kammer dahanna schee em Schatta om die drei Seea laufa. Des sen so 5 km ond i kehr nach dr Hälfte emmer em Bäraschlössle ei, om da a kloine Erfrischong zom Tanka wie z. B. a bruddaales Radler!
  • Caffè-Bar Fleck & Schneck
    Nachm Flaniera uff dr Königstraß gahts scho amol en die Caffè-Bar. Da ischs subber gemütlich ond mr muss au ned en dr mega Schlang standa wie bei dr Konkurrenz aus Amerika. Dahanna isch elles selber gmacht ond dr Cappuccino isch koi Muggafugg!
  • Hans-im-Glück-Brunnen
    Zom Partymacha ond Abhänga isch mei Tipp dr Platz rond om dr Hans-em-Glück-Brunna! Da gibt’s klasse Locations wie Platzhirsch, Mata Hari, Kottan etc. ond a Highlight isch oms Eck dr Veggie Vodoo King, wo mr die legendärschde Falafel Stuttgarts kriegt.
  • Kicks & Coffee
    Kicks & Coffee isch a Veranstaltungsreihe an verschiedene Plätze, wo mr nahganga kann, wemmer uff geile Turnschuhe staht. Da sen lauter Sneaker-Verrückte, die Sammlerstücke anbietet, ond dann trinksch da näbaher en Kaffee!
  • Laugenbekenntnis
    Laugabekenntnis sen zwoi Brüder mit em Foodtruck, die elles em Lauga anbietet: Hotdogs mit Würschtle ond Sauerkraut oder en Hamburger em Laugawegga! Des isch echt bruddaal legger. Die sen emmer an verschiedene Standorte!
  • Mercedes-Benz Museum
    En Stuttgart muss mr nadierlich ens Mercedes-Benz Museum ganga. Des isch ned nur von dr Achtitektur a bruddaale Leischtung, mr sieht au die ganze Geschichte. I schau mr am liebschte des beschde Auto dr Welt an: dr 190er oder dr 500er.
  • Paul and George
    Die Bar Paul and George isch em Bohnaviertel, beim Wilhelmsplatz oms Eck. Wer amol en richtig guta Cocktail trinka will, muss da nei schaua. Isch a bissle teuer, aber oimal em Läba kammer sich des gönna!
  • Running Mhhh – I love Mauldasch
    Die Jongs mit der Mauldasch Revolution hen uff Veranstaltunga angfanga ond hen jetzt en Lada en Stuttgart wos Mauldascha em Laugabrödla gibt, dazu Zwiebla ond leggere Bratasoß. Da kann i glei mehrere nacheinander essa!
  • Segway Tours Stuttgart
    I han die Segway Leut emmer ausglacht, bis i en Gutschein gschenkt bkomma han. Des hot saumäßig Spaß gmacht! Mir sen en zwoi Stond 17 km durch Stuttgart düst ond i han ganz neue Flegga entdeckt. So en Blick uff Stuttgart kriegsch selta!
  • Strothmanns Magic Lounge
    Em Römerkastell gibt’s a geniale Zaubershow. I han des vorher ned kennt, aber des war echt subber! Mr kommt da nah ond kann erscht was trinka ond dann hauts oin echt vom Hocker, egal ob Kartatricks oder andere verbflüffende Magie!
  • Stuttgart-Läufe
    I ben ja bruddaal sportlich, ond om mi fit zom Halta ond mei Songs zom Üba, han i angfanga zom Laufa. I war dabei beim Stuttgart-Lauf, Bädleslauf Zuffahausa, Silvesterlauf Weilimdorf ond beim B2RUN-Firmalauf. Des kann i jedem empfähla!
  • Tokio Dining
    Des Sushi Restaurant en dr Nähe vom SWR isch total süß. Es isch a bissle teurer als anderschtwo, abber da gibt’s richtig guta roha Fisch ond Supp. Wer luscht hot, des selber amol auszuomprobiera, kann da au Sushi Kurse macha.
  • Weinwanderweg Max-Eyth-See zum Burgholzhof
    Vom Max-Eyth-See kammer nufflaufa zom Burgholzhof. Des isch bei mir glei oms Eck. Meischtens gang i dann no ens Aussichtsreich, wos dr beschde ond greeschte Salat gibt ond wo mr en subber Ausblick übers ganze Neckartal hot, fascht bis Gebbinga!

Das könnte Ihnen auch gefallen

12 Insidertipps von Dieter Hofmann für Stuttgart

12 Insidertipps von Dieter Hofmann Geschäftsführer blickfang Ich lebe nun seit fast 2

Stuttgart

17 Insidertipps von Agnes Essig für Stuttgart

17 Insidertipps von Agnes Essig Visuelle Kommunikation Das Gute Leben in Stuttgart! Kan

Stuttgart

7 Insidertipps von Dieter Zimmermann für Stuttgart

7 Insidertipps von Dieter Zimmermann Regisseur zimmermannfilm/studio z Die Sichtbarkeit

Stuttgart

11 Insidertipps von Petra Maria Huber für Stuttgart

11 Insidertipps von Petra Maria Huber Ladies Club Stuttgart Ich liebe Stuttgart. Obwohl

Stuttgart

Hinterlassen Sie einen Kommentar

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert